Billyho ｜ 互聯網醫療股
恆生指數16,645 跌0.43點 成交額703億元。牛市時雞犬皆升 股神通街都係 熊市卻剛巧相反 抵買的可以變得更抵買。 欠其本因素、靠憧憬、故事或個莊叻支持的炒股 與高峯期相比 股價可能只剩下個零頭。昔日的某某股神都冇晒踪影。快到期的存款最好只續存一個月 因農曆年前銀根必然好緊 存款利息好大機會會抽高。
後輩問互聯網醫療股怎睇? 因股價跌了好多。基實好易睇 因為只得3隻 全都欠盈利及股息支撐 況且個餅也劃得一般。 互聯網醫療三劍客中 京東健康市值1122億元 比年賺逾百億元的恆基地產還要高、阿里健康市值534.5億元、平安好醫生193億元。而前兩者更貴為藍籌俱樂部成員 又點都你晤服!
