紅猴 ｜ 21 Oct 2025 – [睇書] 幸好沒有錯過東野圭吾的《白夜行》
日本知名小說作家東野圭吾最為人所知應該是「#神探伽利略」系列，不過其最受歡迎的三本作品其實是《白夜行》、《嫌疑犯X的獻身》及《解憂雜貨店》，近月終於拜讀其大作，連續看完前兩本。
因為最近看書都在手機用Kobo App，主要用等車坐車，等Lift坐Lift同休息時間看，冇乜睇書嘅時間概念，其實都唔知本實體書有幾厚，同有幾多頁，到最近去書局，有一個書架專放東野圭吾作品，走去一看才知道《白夜行》本書咁厚，仲有成600多頁，我懷疑若果見到實體書在先，會否買來看，不過亦幸好如此，因為睇《白夜行》呢本小說真係一個很特別的體驗，男主角同女主角原來可以從不在故事中有任何交流互動，實質上卻有着很深的關係，作者透過不同人物於不同時間嘅不同片段，逐步帶出黑暗嘅真相，到最後才能知道一切的原委，整本小說結構看似散亂實質𧫴密，我終於知道為何東野圭吾如此受歡迎！
