二當家 ｜ 小當家一歲了 – 踏進這無盡旅途
時間真係快, 小當家咁就一歲啦!
自從有左小當家, 生活真係發生重大變化。 首先係私人時間係非常難得, 不論大當家, 小當家在初期都要受到照顧, 家務做不完, 洗衫, 洗奶樽, 餵奶, 準備食物, 就連小當家的午睡時間, 有好多時都係O係我身上, 二當家最大既活動最多都係用手機細細聲咁睇下 NETFLIX, 或者劃下 social media。
到小當家6個月左右大, 二當家就開始睇好多關於育兒既書, 因為自己真係未 READY。再加我同大當家都無入媽媽群組, 所以有好多問題都係靠自己既朋友同埋上網搵資料黎解決。到幾個月前, 大當家終於挨到病, 我出入醫院不下4~5次(入院果隻), 大當家亦要有充足既休息, 到最近至狠下決心請姐姐, 而姐姐最近終於 On board, 姐姐本身係香港經驗豐富, 又識少少廣東話, 基本上全「自動波」, 暫時都OK, 不過聽聞姐姐頭6個月通常都係好既, 6個月之後至會顯真身, let see.
在大當家出入醫院既期間, 二當家都要係出出入入醫院, 通常就交低小當家俾屋企人湊4~5 個鐘, 有D屋企人唔係湊開小朋友既, 我出門口 15 MINS 就已經打黎話小當家爆喊, 但當時我已經 on the way, 只可以叫屋企人死頂😆。 去完醫院番屋企, 接番更, 但小當家既所以野都要自己一手一腳搞掂, 仲未計做不完的家務, 而且二當家份工都有相當既壓力, 不下有幾次諗, 咁辛苦, 為乜呢?
但係同小當家都有相當窩心既時刻, 睇住佢越黎越大, 由日訓夜訓, 到識坐低, 到宜家開始識行識走, 能夠見證到每個時刻都係非常開心既一件事。但到佢大到咁上下, 就開始憂心其他野。
係香港, 第一樣野要學既就係升學流程, 老實講, 二當家讀書都係 on on 居居, 去到大學至知有 JUPAS 同 NON-JUPAS, 但係我其實一直都唔知係代表D 咩, 仲以為係可否申請 grant loan 資格咁解。但當同一眾「虎😼」媽傾完, 由以往既「旁觀者」變為「當事人」, 個諗法又真係唔同晒。而且大抽獎呢樣野真係好恐怖, 隨時排左一間不知名既小學, 所以及早計劃係有其必要性。以前既自己覺得 1歲人仔就要上堂好癲, 但宜家二當家都開始左呢個旅程, 1~2歲 PLAYGROUP, 2歲入PN, 之後就 K1~K3。 2歲入 PN, 早一年就要報名, means now…….有心怡既學校就要睇實個報名時間, 又要睇埋個學校關係圖, 過多一年, 可能仲要考慮搬屋, it sounds crazy! 但現實就係咁 crazy!
到最後就係想大當家同小當家身體健康, 其它一切都係如幻如泡影, 如果沒有健康, 所以既野都可以係空談。
