傻貓 ｜ 老公催沽Tesla
我真係覺得佢好煩自從知道我重倉Tesla, 佔倉位超過一半，就由 USD $140起，不斷做人肉報價機。佢同朋友聚會，都打電話嚟，叫我沽售TSLA.開頭我好乖，5股10股咁賣。至今已經賣咗唔少。雖然仲有唔少。TSLA開始急升，佢催賣得更急更頻繁。其實，錢係我嘅，我又唔等錢駛，點解成日要催我賣股票。我講咗好多次，唔需要佢報價。唔駛佢理我投資嘅嘢。我買股票，都冇同佢商量。點解佢要催我賣? 我持倉多，但我唔覺有問題，亦冇壓力。我唔覺得經營環境真係咁差。美國加息減息，有個知字就算。TSLA的管理層、營運模式，又冇乜大嘅負面轉變。佢唔報價，我根本就唔會無啦啦開app睇報價。最近TSM, TSLA都升返好多，本來係好事。但而家知道自己之前早咗沽貨，賺少好多，心情非常不好。佢成日話，細B 9月出世，叫我放晒所有股票。我想問: 係咪生仔前，要賣埋所有物業? 揸現金，又有咩好處?我買我賣，關佢咩事?純粹 Read More
