二當家 ｜ 人生資產 – 快樂, 回憶, 選擇, 體驗

無聊講兩句廢話, 講投資, 係人都識講「資產」兩隻字, 雖然唔同人對「資產」有不一樣的看法, 例如車/樓, 有人當作車/樓係資產, 但亦有人說是負責。對賣車既公司黎講車就係資產, 但對一般消費者 for 自家用黎講其實係負債, 但假若用左 UBER 司機, 又可以係資產。

WIKI

資產（英語：Asset），在會計學上指一企業透過交易或非交易事項所獲得之經濟資源，能以貨幣衡量，並預期未來能提供效益者[1]。資產，就是能夠為個人或企業帶來收益的東西。在財務會計中，資產是企業擁有的任何資源，如機器、廠房、商譽、專利等有形資產與無形資產。一般來說，資產體現了一種所有權，貨幣可以兌換商品體現了選擇權。

美國日裔羅伯特·清崎對資產的定義是：當持有一項物品，這物品會自動使現金流向你的口袋，就是資產。

二當家覺得富爸爸講既更簡單易明, 就係睇下果件野能否產生現金流。

二當家想講既其實係人生既資產, 而人生既資產產生既就係快樂既泉源。記得二當家細個果陣, 都唔係乖仔, 記大過, 成績差, 被踢出校。兜兜轉轉又上左大學, 當中不乏開心唔開心既記憶, 後生果陣好少話要「儲存」開心既回憶, 想做就做, 不理後果。

當大過左, 開始要諗人生, 踏入社會, 講D 衰D成為社蓄既一部份。人生既負擔多左, 家用, 儲蓄, 結婚, 成立家庭, 二人世界。 開心既事又唔同左, 有一段時間好著重「儲存」回憶, 去到邊都想影相, 買左部 SLR (當年好興) , 去旅行去到邊影到邊。買想買既野, 酒, 相機, 樂器, 當時自己更著重「擁有」。

當踏入社會十年, 就想幫自己既人生做「選擇」。經過腦內不斷的模擬 (對, 二當家係非常穩健既人), 最終選擇了去台灣工作。有得「選擇」也是一種快樂, 正所謂 「有得揀, 你至係老闆」。當然商家會限制你既選擇, 例如同一集團有20~30品牌, 等你有得揀。但現實就係沒會有完全沒有框架既選擇, 珍惜每個有「選擇」的機會也是活在當下的一種。

當有小當家後, 二當家更著重「體驗」, 例如去旅行, 我更珍惜每刻同家人相處既時間, 腦內既回憶就係我快樂既泉源。二當家有時候會反問自己, 點解以前會著重「儲存」快樂既回憶, 宜家更著重「體驗」。二當家舉一個例子, 去睇演唱會, 其實我唔明點解D 人咁鐘意舉起部電話拍片, 影響自己影響人, 係令二當家覺得非常反感既一個行為。在場幾千人指片, 最後唔知有幾多人會回看。二當家覺得當「儲存」既成本變得便宜, 最終會失去其否部份既價值。我部電腦可以有 幾TB 既相, 但當我唔 RECALL, 電腦既相就無價值, 但回憶係可以隨時 RECALL, 直至二當家個腦不再靈光。

回想一下, 什麼才是你的資產? 在搵真銀之餘亦要令到自己人生富足。

以下為AI 幫本文做既總結

這篇文章主要探討了作者對於「資產」的看法，從傳統的財務定義延伸到人生的資產，以及快樂的泉源。

資產的定義： 文章從會計學和羅伯特·清崎的定義出發，指出資產是能帶來收益的東西。作者更傾向於富爸爸的觀點，即能產生現金流的才是資產。人生的資產： 作者認為人生的資產是快樂的泉源。年輕時追求及時行樂，較少「儲存」快樂回憶。不同階段的轉變： 隨著年齡增長和社會歷練，作者的重心從「擁有」轉向「選擇」，再到「體驗」。選擇的重要性： 「有得揀，你至係老闆」，選擇本身也是一種快樂。體驗的價值： 現在的作者更珍惜與家人相處的時光，認為腦海中的回憶才是快樂的泉源。反思「儲存」回憶： 作者反思了過度「儲存」回憶（例如演唱會錄影）的行為，認為當儲存成本過低時，反而會失去其價值。回憶的價值在於隨時可以被提取（RECALL）。  Read More