二當家 ｜ 近況 (16) – 平凡的幸福 + 投資日誌
轉眼又無UPDATE 幾個月, 投資上荒廢了, 簡單講下近況市況
首先, 我同大當家既愛情結晶 – 小當家已經安全回家, 生活上有大幅轉變。 大部份時間及注意力都落晒去小當家到, 小當家大叫一聲, 二當家就算訓緊, 都即刻落床睇下小當家咩事。投資界既 KOL 又為人父的都有不少, 風兄既俠骨柔情, 福祿壽忙於湊小朋友消失於 BLOG 界, 仲有 AC 兄既關懷備至都令二當家佩服得很。
有睇開二當家既 BLOG, 可能都知道二當家其實一切都係隨緣, 結婚初期無諗過要小朋友, 因為想二人世界, 再加上仲未準備好為人父, 過左幾年二人世界, 就一切隨緣, 都係抱住有就有, 冇就冇。 到年紀去到咁上下, 就博一博, 試過 IVF 都唔得, 為免帶來太大壓力, 又放低左呢件事。點知, 最後又突然搞掂左, 我地已經過晒「計日子, 食生蠔」既時段, 真係隨緣。中間好多野都係戰戰兢兢, 因為年紀已經唔細, 再來就係二當家家庭背景上既問題, 會擔心一D先天性既缺憾, 幸好, 暫時一切正常。
新生命既誕生, 令到二當家既 PRIORITIES 又改變了不少, 雖然我還是我, 但對自己及家人健康, 對家庭既負擔會更加既著重, 例如保險既 coverage, 未來既居住環境等, 二當家會花更多時間去思考。
YTD +5.4%
老老實實, 投資上二當家真係半放棄揀股, 手上既 9988, 700, 甚至最近既 823 等都弱到核爆, 今日新聞話連地產股都一樣, SHK 都要收皮 (-10%)。 二當家只問無能力係個市場到搵錢, 暫時既策略係將新資金不斷 rolling 定期, 只買 ETF 唔買個股, 目標上會放更遠。 最近二當家開始考慮 PLAN 退休, 目標係15年後退休, 退休前要解決幾樣野, 住宅, 保險, 穩定既 cash flow。 好簡單咁計, 目標係每月開支 40,000, 一年480,000, 4% 回報黎計要擁有1千200萬資產, 加埋一層 8球既樓即係要2千萬。睇番 Duncan 的分享, 他以平均每年20%回報既速度去增值資產, 二當家自問做唔到, 至於用咩方法去增值資產, 例如平均成本法, 固定買入 QQQ, SPY, 甚至 2800, 再用系統性既方法去 rebalance portfolio。 究竟呢個方法 work 唔 work, 而我又做唔做到呢? 二當家最弱就係執行力, 要搵一個最簡單又容易持之以恆既方法,
