重思人生 ｜ 大家齊齊打展展王CEO屁屁
王國龍在8月8日披露減持逾107萬個基金單位，套現4,560萬元（LINK）。在8月16日，王國龍為此解畫，指出是個人財務需要，強調並非看淡公司前景（LINK）。就王生為佢套現出來解畫，有唔少人大力打王生屁屁，小薯都同樣一齊出下手先，打一屁屁先。
1/ 「減持逾107萬股是出於個人財需要」；有咩問題？「長期獎勵計劃」下授股都是交稅。以王生連埋股份獎勵，年薪HK$7800萬，交稅大約計要HK$1170萬，就算現金人工有HK$4100萬，都唔一定要全部cash on hand。唔好問點解總值HK$4500萬的股份，咁佢都可以有其他財務需要。外國科網大佬甚至員工都係收股份員薪酬，外面大佬（唔開名，費事有心人）成日賣就得，王生賣就唔得。明白了！
2/ 「唔好覺得一個人賣少少股，影響到股價咁多？」：我地睇成交量。過去五年平均每日成交量約620萬股，100萬股大約是17%；如果佢一日賣清，就可能對當天（只是當天）成交有少沽壓；但如果佢一個星期分開幾日賣，100萬股大約是3-4%，真係有咁大影響？
3/ 「雖然我係CEO，好多人關注，但私人理財同公司業績無直接關係。」：CEO多人關注就唔可以賣股？同時，CEO賣股又真係同公司業績無關。相反，如果王生佢明知公司業績差，佢不如沽空公司股票，做咩要低賣持股？
4/ 「股價下跌與高息有關」、「當息口回落，對股價有正面作用」：小薯都成日講，加息就會加大折現率，其他不變，公司估值和物業估值就會跌，好合理；相反，減息就會加少折現率，公司估值及物業值就會升，有咩問題？
5/ 「投資者通常要求領展回報「好過做定期」，並有更高溢價才具吸引力，「需要有6、7厘先肯接受」」：呢句就係承接上一句。俾你揀，定存都5%，你會唔會要領展4%？如果唔要，即是市場對「領展股票」的需求下跌，同時就多左人賣去做定存。供需關係，賣野人多，買既人少，股價就會跌，股息率自然提升，好正常。如果你賣係因為王生賣，而唔係因為外面有更好回報的項目，會唔會蠢既人係你？
6/ 「（持股）其實有淨增長，而他多年來持股水平亦大致平穩。」：佢都無講錯，過去5個，佢持股大約都是在0.13% – 0.15%。17年底有3,661,612股，到而家有3,860,542股，股數真係無點變。直持一點講，呢幾年基本佢收幾多股份獎勵就賣幾多股，唔多唔少。如果咁樣都「屌」，點解又唔讚下佢09年至17年8年，基本上唔點賣？
7/ 有KOL話「CEO沽公司股票要披露」，所以股價下跌關王生事。佢身份係董事身份，而SFO同上市條例，要求董事持股變化，佢自己係要披露。呢個披露係以個人名義報，唔係上市公司報。如果佢自己唔報，係罰王生，唔係罰公司，所以嚴格來說，佢（股東）賣股票真係唔關公司事。再實在一點，其實好持股多過5%係無披露（因為罰得好輕），難道賣股票但唔披露，就變左唔關事？呢個logic會唔會啲問題？點解人地做足compliance先被人「屌」？唔知到莊家暗地抬高股價自己坐到順風車，會唔會「屌」莊家？
8/ $42.39賣股壓低股價：供股價HK$44.2 ，股息HK$
1.1 88，8月賣已經過左除權日，理論上，股價係$44.2-$1.118= $43。其實$42.39賣真係算壓低股價？
9/ 「如果王生聰明，就應該趁高位$6x放」。如果小薯加息，大陸打科網，就會$7xx賣騰訊，$300賣9988，之後就會在$200買回700，$6x買回9988，再抄一波，相信三年內就做一個別人事中不事生產的財自人材。不錯，小薯蠢，唔似其他KOL知道跌所以做左對沖，只是買小注；升就一早買左但唔講買幾多，所以小薯真係失敗。
可能有心人會批評小薯係唔係收在王生好處，處處維護王生、823。人地點諗小薯唔理，不過就明白自己持倉股價，就想搵人賴下地硬，找人出下氣。高位賣就找人接火棒，低位賣就壓低股價，咁點賣做好？小薯估最好在twitter（之後叫做X） 出個poll：「我想賣股啦，我應該幾錢賣？想賣即人可以DM我，我地場外交割啦！」
