紅猴 ｜ 3 Jul 2025 – 大快活(52)盈利真係如履薄冰
我好鍾意食粟米肉粒飯，小時喺愛民邨居住時最鍾意食商場入邊嗰間「天馬快餐店」嘅粟米肉粒飯，因為又多汁又多肉，後來搬走咗都成日返去食，可惜呢間快餐店幾年前已經結業！
大家樂(341)都有粟米肉粒飯食，午市$43連飲品套餐好扺，不過唔好食。今日去大快活(52)午膳，第一次喺度食粟米肉粒飯，一個價錢$44唔包飲品，明顯貴過大家樂，不過亦明顯好食啲！
其實大快活啲食物價錢都唔平，有啲仲貴過大家樂，但係毛利率7.7%，明顯低過大家樂嘅10.4%，係咪食材靚啲所以成本貴啲？純利率呢幾年更加只得1.5%左右，盈利真係如履薄冰。
