二當家 ｜ 2025 年回顧 – 選校之年
收入
主動收入：按年增加16%，二當家已經到左打工仔既樽頸位。呢個世界上雖然有上千萬年薪既打工仔。但作為平常人，我諗己經到左頂，就算有機會再上，都要身體上、心理上、時間上、抗壓能力等READY至再上。倒如做人肉錄音機，你估易架，要俾人日小夜小，要令到自己完全無晒感覺，都要有咁上下修為至得。
投資收入按年增加5%，詳情請看投資成績
利潤
總收入-總開支 = 利潤按年增加 5%
如果只計算「主動收入」, 主動收入-總開支 = 利潤按年增加4%
利潤率由51%下降為45%, 係租樓, 暫時都維持到二當家既目標 45%以上，但已經去到臨界點。
NAV 按年增加28%，仍然係高速增長中 （上年係41%）
小當家拎到 K1 OFFER 後，暫時可以休息一下，講左買樓N 咁多年，係時候SETTLE DOWN，會再度去睇樓，已經有心水屋苑，只係等啱價同O岩既單位。另外就係 COST CONTROL，小朋友一讀書，開支
倒水咁黎，食野又多半份，機票又多一張。暫時所有野都係跟住我個PLAN 去，年尾小當家拎OFFER，年頭睇樓盤，新年前換車 （待定，一換一優惠結束前）。投資上大方向唔會變，只係加多左小小小 CRYPTOC CURRENCY 作為PORTFOLIO 既一部份。總結2025年
先講工作，今年工作真係好繁忙，尤其係年尾嗰陣。生意唔好Bottom line冇top line, 年年月月日日都係講cut resources,做到個人都冇乜勁。年尾嗰陣所有嘢夾埋一齊，Stress到爆，如果長期喺嗰個狀態，個人應該好快就病。無端端又俾老細爆咗鑊金，仲要喺啲細嘅面前，莫須有咁樣俾人小咗一鑊。老細擺明要俾下馬威，加上佢嘅無敵策略，今日講東，聽日講西，後日港南，再後日講北，所以野全包，但全部都冇black and white, 一個月之後自己唔記得最後講乜就話自己講過，其實佢乜都講過晒佢一定會啱。最慘係全世界都知，但大家都知道糾正佢係冇用，佢果下係躁狂發作。自己受咗兩三日至消化度，要搵方法俾自己減壓，又或者阿Q啲咁去諗，返工都係一場戲，dont take Personal. 望住自己份糧， 知道自己走唔到，走到都唔會搵到返呢個人工，可能一半都冇。呢個就係我想財自嘅動力。
睇返自己上年嘅回顧，工作上其實冇乜改變，做同一樣嘅嘢，人工叫做合理調整，係好過好多人，但麻煩辛苦既地方無變，亦無時間同空間去栽培下面既人 （因為我老闆要完美既成績＋超 MICRO MANAGEMENT）。
健康
參加咗匯君嘅健康萬象，身體上有改善，但第二季開始冇乜跟足，只係維持每日適量嘅運動同埋食物嘅選擇。大當家嘅身體都開始穩定，開始試緊隻新嘅生物製劑，每年都成10皮嘢，正常嚟講係冇得停，不過好彩有參加醫保，年頭搞到年尾終於話claim到😓。
搵學校
今年最大嘅「成就」係報考K1 ,由年頭開始研究，年中開始apply之後，年尾開始面試。報咗超過10間，面試都差唔多有10次。不論九龍或者香港區都有報，報得嘅都係香港有名嘅名校。我哋心目中其實都係望咗一次兩間有嗰份就已經好開心。
小當家本身係慢熱性格，又怕羞同講嘢好細聲，基本上面試嘅時候係好蝕底。但係學校嘅玩法就係咁就要面試咁都冇辦法，真係要求見家長或者同家長對答嘅學校只係佔好少部份，亦即係其實學校大部份都係着重喺小朋友自身。而家其實寫緊篇關於學校選校，記錄自己溫學校嘅心路歷程，希望可以不日面世。
到最後最後，小當家收到兩個Offer,連埋本身讀緊嗰間總共三個，雖然唔係超一線學校，但其實已經係幾間已當家非常滿意嘅學校。兩間係學術比重較重。，另一間就係比較happy School為主。再來就已經係 Happy Problem.
小左更新呢到既原因並唔係我熱情減退，而係公司部電腦越黎越鎖得勁，搞到二當家無辦法用工作時間內更新個BLOG，宜家係用緊自己好唔熟悉既 MAC BOOK 去打呢篇文章，真係麻煩到呢！！！
