傻貓 ｜ 代課扎記：我哋搵到更適合嘅人

Free 堂，埋頭出測驗卷。電話響。張副校：“Ms Lee, 麻煩你落一落嚟丫“合約到Dec 15, 校長、科主任一直話，教育局文件未落嚟。Dec 16開始新合約， date back 返人工，出月薪。簽新約嗎？副校微笑：“好多謝妳呢2個幾月幫手~”咦？！原來又係呃我~佢：“你份約去到幾時？”我：“下星期一”“咁我哋約滿，就係last day 啦~”傻貓：“明白~我搵科主任，做交接。唔該”失落？少少啦。呢度工作量超大，我負責德育及公民教育、國民教育、校園電視，教全級F.1 reader, 整好多 language arts 教材、教 3 班，仲要做班主任，呢班好多SEN。同飯腳傾起，佢竟然講，佢上星期五，都收到 1 個月通知。而佢本身係一年合約教師， 8月31約滿。放咗工，佢都係放唔低，失眠至凌晨 1 點幾。感受到佢嘅不知所措、徬徨無助。佢剛買樓，每月還錢畀家人、朋友、銀行，近 4 萬。  Read More