傻貓 ｜ 終於請到幫到手嘅印傭

第一個菲傭，英文幾好，但完全唔識做家務，亦唔肯學煮飯。做咗兩年，一餐都冇煮過，連翻熱都懶。仲搞到儲物室，垃圾崗一樣。(見:工人真係幫緊手？)第二個菲傭，做咗一個月，獨留幼兒在家，推我仔出馬路，落車唔拖佢，搞到佢跌到，半截身軀在巴士底。佢自己走佬，仲屈我哋趕佢走，去入境處、勞工處，追討1個月欠薪。又偷嘢，終日黑面。(見: 工人自把自為、工人又去勞工處屈我哋、新工人貨不對辦😵、首日返工；阿仔發高燒被強行帶返學、炒咗新工人、工人斷約走佬)今次終於決定唔再請菲傭，轉請印傭。估唔到都幾多選擇，今次請的印傭，英文比上一個菲傭更好，而且經常笑容滿面。第一日嚟，阿女已經攬住佢，阿仔過馬路時，都肯畀佢拖。上一個菲傭，由始至終，都冇成功拖過我個仔隻手。煮嘢好食，學嘢都快。呢間外傭中介，本身agent都係印尼人，會去印尼的外傭學校揀人。同我溝通的，係香港人: 林小姐。林小姐好有同理心，上個菲傭搞到  Read More