紅猴｜ 20 Jul 2025 – [飲食] 十號風球下留港的晚飯

by · 21 7 月, 2025

週日晚本來過大海睇「林憶蓮演唱會」，順道看看澳門最近市道係咪好好，賭場係咪好旺場，因為演唱會經濟而令6月賭收大升，不過一個十號風球只好乖乖留港，諗起演唱會、酒店、餐廳及船票退錢都煩，所以都係去咗一間十號風球都開嘅食肆，食餐好嘅開心下。

不過，呢餐「彤福軒」又真係好好食，叫咗三個主菜「黑虎掌菌山藥和牛臉肉煲」、「金湯藜麥舞茸菇燴菠菜苗」同「雞油菌雞球五常大米煲仔飯」都好有特色，尤其係後者，個飯焦好正！